Kundasang War Memorial

Kundasang War Memorial
Tugu Pomuhandaman Sangod Kundasang
	Tugu Pomuhandaman Sangod, Kundasang Sabah Wayaan sumuang
	5°59′15″N 116°34′37″E / 5.98750°N 116.57694°E
Lokasi	Kundasang
Monuunupu bontuk	JC Robinson
Dedikasi kumaa	Susumangod British om Australia di napatai maamaso do Kiim POW Sandakan. Pomuhandaman diti nogi nga montok koinggoritan om goos do mogigion sandad id Sabah.

Kundasang War Memorial (Malayu: Tugu Peringatan Perang Kundasang|Kadazandusun:Tugu Pomuhandaman Sangod Kundasang) nopo nga iso kinoyonon pomuhandaman id pogun Sabah, Malaysia. Kinoyonon pomuhandaman diti nopo nga montok soudor British om Australia di napatai maamaso Kiim POW Sandakan id tindalanon diolo minongoi id Ranau. Suai ko ii, poposorou nogi iti kokomoi kinoinggoritan om kinolubukan tulun momogun Sabah.

Kinoyonon

Kinoyonon pomuhandaman diti nopo nga hilo id kakadayan tokoro Kundasang, pokiikiro 92 km (57 watu) mantad Kota Kinabalu.^[1]

Kointutunan

Ponuridangan do tugu pomuhandaman diti milo intangan kawagu maya di Mejar G.S. Carter DSO, songulun veteran sangod do New Zealand om kukumaraja do Shell Oil Co. (Borneo), tu isio no i minanahak do pomusarahan montok momonsoi tugu pomuhandaman ontok 1962.^[2] Tua pomusarahan disio nopo do minomonsoi tugu pomuhandaman di nga montok momuhondom 2,428 banduan Australia om British di minido pogun maamaso Pisangadan Pogun II id Kiim POW Sandakan om napatai maamaso tolu perarakan kapatayon.^[3] Mantad do 2,500 banduan Australia om British maamaso pisangadan, onom no tulun Australia do napasi id perarakan diti.^[4]

Minomuruan i Mr. JC Robinson, songulun arkitek tampatan do kinapamansayan do tugu dii.^[2] Sundung ingkaa, naraag o tugu pomuhandaman dii tu amu kabagal o asil montok monginsonong tu agayo o kinoyonon do tugu pomuhandaman dii, sundung do minanahak o porinta' pogun Sabah do kouhupan kousinan ontok toun 1995.^[2]

Ontok 2005, Mr Sevee Charuruks, songulun tulun Thai i poingion id Kota Kinabalu, Sabah, Malaysia minomonsoi ponginsanangan montok tugu dii sabaagi iso projek kopinsinan swasta.^[2] Ontok toun-toun di sumusuhut, nokohompit nogi o porinta' do Australia do manahak piipiro kouhupan montok ponginsanangan di potilombus.^[2] Sabaagi poomitanan, kouhupan soginumu MYR120,000 montok momonsoi tansar do plot, MYR350,000 montok Dewan Pomuhandaman Australia (i popointalang do dokumentari), MYR120,000 montok pomogundapan om pamansayan kawagu tolig konkrit do Contemplation Garden om MYR14,000 montok pamansayan do Confrontation Memorial.^[5]

Sabaagi pongumpau montok goos dau, nakaanu i Charuruks do gaa' do Surupu Bobos Nakalantoi Empayar British mantad porinta' do British.^[2]^[6] Minanahak nogi o porinta' do Australia do gaa' tapantang kumaa dau id siriba do Surupu Porinta' Australia (AM).^[2]^[7]

Outline

Haro apat boogian do tugu pomuhandaman dii i mogiroromut maya iso ralan.

Taman Australia
Taman Ros Inggiris
Taman Borneo miampai do bunga tolias do Nulu Kinabalu om
Contemplation Garden

Tolu taman di kumoiso nopo nga mobi do pogun mantad do mangsa.^[8]

Taman Australia

Suang nopo do Taman Australia nga bondira' Australia om plak luyang i kiuhu do "Pomuhandaman Sangod Kinabalu Kundasang om Australia". Haro nogi panel id suang do boros Inggiris om Malayu miampai uhu "Sajara' do tawanan sangod British om Australia id Sabah" i sinupu di artis Ross J. Bastiaan ontok 1998. Sinuat id siriba do relief Borneo o pamansayan pomuhandaman dii id boros Inggiris. Id nopo boogian tanga' id siriba do plat dii nopo nga kointalangan kokomoi peta ralan maamaso panau matai.

Taman Ros Inggiris

Id boogian diti, montok tawanan sangod British, nopo nga iso taman ros. Papak marmar toitom miampai bondira' United Kingdom kiharo o suatan diti id boros do Inggiris:

Dedikasi montok kasarahan pointimporon do 641 surupu soudor british
I minidu pogun id suang kowoowoyoon di kasarat
Id kem tawanan sangod Sandakan
Ontok panau matai om id Ranau 1943-1945
Amu yolo tumuo, Miagal dati i noiduanan tu tumuo
Amu kapaasan o tumul kumaa diolo, toun nga amu mongukum
ontok tumonob tadau om ontok kosuabon
hondomon dahai diolo.

Taman Borneo

Taman Borneo nopo nga kasarahan montok mangsa mantad Borneo, loolobi no montok tinimungan etnik id Sabah i monguhup daa di tawanan sangod maya nunu nopo karalano' nga yolo nga pinatai nogi. Id taman diti, tinanom o piipiro susumuni om bunga mantad Sabah, loolobi no spesies orkid i amu asaru orubaan miagal do Kinabalu rothschildianum Paphiopedilum, mantad genus do Paphiopedilum.

Taman Contemplation

Id suang Contemplation Garden, haro ralan lajur kumaa id kulam. Ontok 2011, pinasang o panel marmar hiti i kingaran oinsanan i mangsa.^[1]

Wawayaan POW

Tundorongon tohuri id Tugu Pomuhandaman Sangod Kundasang nopo nga "Wawayaan POW", i minananda' do stesen tolu panau kinapatayon id gana. Tuminimpuun id Sandakan om nopupusan id pomuhandaman diti. Tinanda' o stesen do wawayaan diti momoguno papan tanda'.

Sukuon

↑ ^1.0 ^1.1 "Kundasang War Memorial". Department of Veterans' Affairs, Australia. Linoyog ontok 23 Milatok 2025.
↑ ^2.0 ^2.1 ^2.2 ^2.3 ^2.4 ^2.5 ^2.6 Lynette Ramsay Silver. "Friends of Kundasang War Memorial". Lynette Silver. Linoyog ontok 21 Manom 2014.
↑ Cresswell, Allan (1 Gumas 2006). "KUNDASANG WAR MEMORIAL" (PDF). Borneo Bugle. www.borneopow.info. Linoyog ontok 2 Milatok 2010.
↑ "Australian prisoners of war: Second World War - Prisoners of the Japanese, Borneo (Sandakan) | Australian War Memorial". www.awm.gov.au.
↑ "Overseas Privately-Constructed Memorial Restoration Program (OPCMRP)" (PDF). Department of Veterans' Affairs, Australia. p. 1/13. Linoyog ontok 23 Milatok 2025.
↑ New Straits Times: Malaysian duo receive British awards, 13 December 2007
↑ "Two Malaysians appointed Honorary Members of the Order of Australia". Australian High Commission Malaysia. Linoyog ontok 21 Manom 2014.
↑ "Kundasang War Memorial". Sabah Tourism Board.

Noputan Labus

Kundasang War Memorial on e-tawau

[auto-1] 1.0 ^1.1 "Kundasang War Memorial". Department of Veterans' Affairs, Australia. Linoyog ontok 23 Milatok 2025.

[kwm-2] 2.0 ^2.1 ^2.2 ^2.3 ^2.4 ^2.5 ^2.6 Lynette Ramsay Silver. "Friends of Kundasang War Memorial". Lynette Silver. Linoyog ontok 21 Manom 2014.

[BB-3] Cresswell, Allan (1 Gumas 2006). "KUNDASANG WAR MEMORIAL" (PDF). Borneo Bugle. www.borneopow.info. Linoyog ontok 2 Milatok 2010.

[4] "Australian prisoners of war: Second World War - Prisoners of the Japanese, Borneo (Sandakan) | Australian War Memorial". www.awm.gov.au.

[5] "Overseas Privately-Constructed Memorial Restoration Program (OPCMRP)" (PDF). Department of Veterans' Affairs, Australia. p. 1/13. Linoyog ontok 23 Milatok 2025.

[6] New Straits Times: Malaysian duo receive British awards, 13 December 2007

[7] "Two Malaysians appointed Honorary Members of the Order of Australia". Australian High Commission Malaysia. Linoyog ontok 21 Manom 2014.

[8] "Kundasang War Memorial". Sabah Tourism Board.

[1]

[2]

[3]

[4]

[5]

[6]

[7]

[8]