Pergi ke kandungan

Muzium Komuniti Pogunon

Coordinates: 5°54′48″N 116°08′42″E / 5.91333°N 116.14500°E / 5.91333; 116.14500
Mantad Wikipedia

Pogunon Community Museum
Muzium Komuniti Pogunon
Map
Established2004 (2004)
LocationWatas Penampang, Sabah
Coordinates5°54′48″N 116°08′42″E / 5.91333°N 116.14500°E / 5.91333; 116.14500
TypeMuzium
OwnerMuzium Sabah

Muzium Komuniti Pogunon nopo nga muzeum i poinladsong id Kampung Pogunon. Kampung diti nopo nga poinladsong id watas Penampang id Sabah, Malaysia.[1]

Sajara

[simbanai | simbanai toud]

Maamaso pamansayan do iso bongunan tadika kampung id Pogunan di toun 2000, piipiro artifak laid i kohompit do tolu kakanan koinsanan, apat kakanan kapingan piring obulou om opurak kohompit no do mangkuk. [1][2] Toinsanan do kakamot diti nopo nga norubaan miampai au tinomod. Id suang do tolu kakanan dii nopo nga haro rata tulun miampai seramik di nokito id tapak di nopo nga mantad China om winonsoi id piolitan do abad ko-16 gisom ko-19.[1] Hopod om tolu kakanan laid nogi nga nukad mantad tana pamalabangan laid id dumbangan do Gereja Tokoro St Joseph id kampung dii.[2] Iso kakanan di nababak nopo nga kisuang do tulang tulun om mogikaakawo artifak miagal do taparak pirok mantad toun 1885, golong om pongogos tawak i winonsoi mantad taparak pirok nogi nga nokito id suang do kakanan di, nga nababak gama do jengkaut maamaso nokito. Kinoyonon miampai pananda' watu (megalith) nopo nga poinladsong id tapak dumbangan muzium di wagu nogi pinohimagon di toun 2004.[2][3]

Kowoowoyoon

[simbanai | simbanai toud]

Tolu kakanan tagayo miampai tulang tulun di noolu nopo nga pinosolimbou kumaa tutumombului id suang do muzium. Piipiro kakanan suai di norubaan id Pogunon nopo nga pinoopi do Muzium Sabah gama do rontob ginayo id muzium komuniti diti.[3]

  • Ponginlumis id wayaan sumuang do muzium.
    Ponginlumis id wayaan sumuang do muzium.
  • Id suang do muzium.
    Id suang do muzium.
  • Rangka tulun di noolu om nokito id suang do kakanan.
    Rangka tulun di noolu om nokito id suang do kakanan.
  • Watu megalith id dumbangan do muzium.
    Watu megalith id dumbangan do muzium.

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ 1.0 1.1 1.2 "Pogunon Community Museum, Penampang". Sabah Museum. Pinoopi mantad sand̠ad ontok 8 Mahas 2018. Linoyog ontok 24 Mahas 2019.
  2. ↑ 2.0 2.1 2.2 "Pogunon – Ancient Dusun graveyard". New Sabah Times. 30 Momuhau 2016. Pinoopi mantad sand̠ad ontok 24 Mahas 2019. Linoyog ontok 24 Mahas 2019.
  3. ↑ 3.0 3.1 Jenne Lajiun (1 Madas 2016). "Many Penampang tourism products not promoted". The Borneo Post. Pinoopi mantad sand̠ad ontok 24 Mahas 2019. Linoyog ontok 24 Mahas 2019. One of such attractions is the community museum at Kampung Pogunon, an old burial ground dating back to the Qing dynasty. This is based on the large potteries containing skeletons which were unearthed while constructing a school at the site. Three large pots and the skeletal remains are now being showcased at the small museum at the village. The person in charge of the museum, James Dingon, explained that the museum was built in 2004 while the burial ground was gazetted in 2000 following the discovery. Ralat maganu:Tag <ref> tidak sah, nama "ancient remains" digunakan secara berulang dengan kandungan yang berbeza

Noputan labus

[simbanai | simbanai toud]
  • Media di kipionitan miampai Muzium Komuniti id suang do Wikimedia Commons
Naanu mantad "https://dtp.wikipedia.org/w/index.php?title=Muzium_Komuniti_Pogunon&oldid=16391"